| 0 التعليقات ]

هااااام لو عايز تتفوق

‫#‏هام_جدا‬
‫#‏لو_عاوز_تتفوق‬
هام جدا لو عايز تتفوق وشايف إن الوقت عدي والموضوع بقي صعب .....
اول حاجه اتأكدو ان ربنا بعتنى لأي حد هيقرأ البوست ده ، ان ربك بيحبك وعايزك تبقي حاجه كويسه وكبيره ،" وإلا مكنش بعتنى ليك " كل واحد فيكو بيقول الوقت عدي لأ أبدا اقسم بالله ما عدى الثانوية العامه بتبدأ من انهارده
أولا : دروس ،مدرسين ،حل أسئله ،" من غير صلاه ومذاكره صح = صفر
عايز تبقي انسان ناجح وتحقق حلمك ،حتي لو لسه مفتحتش كتاب ، رغم الوقت ال بتوهم نفسك انو ضيق ( بس استنى هفترض ان الوقت ضيق )
بصوا بقي ....
امشي ع الطريقه دي لو متفوقتش ف عشرين يوم ابقي اعمل ال انت عاوزه
( سواء أزهري او عادي علمي علوم . رياضه ، ادبي )
1- اول حاجه هتعملها إنك بعد ماتخلص قراية الموضوع وتصلي ركعتين لربنا انو يوفقك وتمسك المصحف وتحلف إنك معتش هتعصي ربنا وهتصلي قيام الليل كل يوم وتدعي ف مذله وخشوع لربك (ع فكره عاوز تنجح وتبقي م الأوائل عليك وعلي قيام الليل ) جرب وهتدعيلي
2-حسنت علاقتك مع ربنا
المذاكره بقي ; كتير مننا بيعاني من النسيان بص ياسيدي
بدون جداول وكلام فاضي من ده بلاش تتوتر انت كده ف السليم طالما لحقت نفسك م الوقتي سيبك م الخوف ومن ان ده مصيرك والله مصيرك عند ربنا (اوعي تقول عملت كدا ليه فيا يارب ) ربنا بيحبك بس الشيطان وراك وانت بقي لازم تتغلب ع ابليس ال 45 يوم دول قوم بص ف السما وارفع ايدك وقول الحمد لله يارب وفقنى .
نام 11 وقوم 5 ص (وكل واحد ع حسب راحته ) كده عندك 18 ساعه منهم ساعه ونص متقسمين ع اليوم صلاه وقرأن واكله سريعه فاضل 16،5 لو هتروح دروس يبقي هيفضلك 6 .7 ساعات لو مش هتروح هتستفاد بال 16 بالعزيمه
ايا كان عندك عدد من المواد هتجيب 3 كراريس لكل ماده عندك هتشوف منهجك فيه ايه وإزاي احفظ وافهم ده صم ف 30 يوم عشان يفضلك 15 يوم دول لحل امتحانات سابقه فقط تيجي مثلا مع ( الإنجلش ) هضرب مثال عليها وتطبقوها مع باقي المواد
18 وحده يعنى لو كل يوم وحده هتخلص ف 18 يوم زائد 8 قصه دخلها ف شهر بس انا بقي معملش كده واجي ف أخر الشهر نسيت كل ده يبقي كده ولا عملت حاجه امال ال 3 كراريس لازمتهم ايه اول كراسه هتبقي معاك وانت بتذاكر جمله او كلمه معينه حفظتها بصعوبه تكتبها ف الكراسه ال جمبك خلصت مذاكره الوحده يبقي نحل عليها نص ساعه كده لأنك هتكون حافظ صم مش هتاخد وقت ف الحل الكراسه التانيه هتكتب فيها الجمله ال وقفت عليك وحليتها والجمله الصعبه اما الكراسه التالته فلو هتسيب الدروس يبقى تكتب فيها الحاجه ال وقفت عليك عشان لما ترجع تسأل المستر عليها
فايده ال 3 كراريس اهم من المذاكره نفسها لو عملت ال قلتلك عليه عمرك ماهتنسي تحدد لنفسك كل يوم قبل النوم ساعتين تراجع الكراستين دول ف كل ماده لو عملت كده كل يوم آخر الشهر لما تيجي تحل امتحانات كامله هتلاقي نفسك صاروخ ومفيش حاجه تقف عليك
(اوعي تقول ان الماده صعبه اقسم بالله سهله بس انت حاول تفهمها حتي لو ماده ادبية حاول تتخيل ال بتقرؤه بعدين تحفظه كده انت ميه ميه ) ابعد عن الناس ال بتحبطك لأنك محدش غاصبك تبقي معاهم ابعد عن شلتك الفتره دي وبعد كده اعمل ال انت عايزه ولو معندكش صحاب يبقي ربنا بيحبك ، لو اي معلومه انت فهمتها ووصلتلها بصعوبه قولها لزمايلك ولو حد عايز سؤال وانت عارفو متترددش انك تقولهو ،ربنا هيجازيك بميت معلومه افضل مها حب ربنا وخلقه عشان ربنا يحبك ، اوعي تحبط نفسك انت لو فاشل قسما بربي تقدر توصل ،دايما وانت بتذاكر حته صعبه اقبض ايدك الشمال ولو نسيت حاجه وانت بتحل اقبض اليمين عشان تفتكرها ده طبعا بعد ذكر ربك دايما استغفر ربنا واذكره كتير والأذكار هتسهلك كل حاجه (انت تقدر بس إبدأ بنيه صافيه )
قوم من مكانك يلا دا مستقبلك انت 30 يوم يلا قبل ماتضيع حلمك لو فاشل او فشلت قوم إلجأ لربك يهديك وابعد عن شيطانك ال بيخوفك
بس عارف الشيطان بيخوفك ليه (عشان متقربش لربنا ،عشان يخليك خايف م امتحان هيوديك كليه هتخلص ف الآخر بموته عند ربنا ومتخافش من امتحان ربنا وبالتالي ربنا يغضب عليك ، عشان متجبش مجموع وتعد تخالف القدر (ال انت سببته لنفسك ) وتقول ليه ياربي كده )
قوم بالله عليك واخزي الشيطان ودوس عليك بجذمتك متخليهوش يضيعك وانت معاك اهم فرصه كفايه ان ربنا بيحبك وبعتنى ليك ولما تبدأ بجد هتلاقي صعوبه ف الأول بس وحيات ربنا هتتعود خلال 2 أو 3 ايام وابدأ من جديد قسما بالله الشهر ونص دول هما ال عملو دكاتره ومهندسين مزادوش يوم وبردو مقلوش يوم انت عارف مصلحتك يلا خد قرار متعدش تلف كتير ع نصايح وغيره نصيحتك مع ربك ومفتاح ذهاب همك وكربك بردو مع الله اذكر الله دايما واعمل دي هتفيدك (بعد كل صلاه اقرأ 3 صفح قرآن هتختم القرآن ف فتره قليله وربنا هيحبك )
لو استفدت من كلامي يبقي تنفذو عشان تبقي دكتور مهندس اعلامي وغيره
مش محتاجه منك غير انك تدعيلي ان ربنا يحققلي ال بتمناه ويقف جنبي
وانا هدعيلك يال هتقفل الفيس وتبدأ تنقد بدون رجوع انك تبقي من الأوائل قسما بربي وعن تجربه لو تعبت من اللحظه دي وعملت كل ال بقولهولك بالحرف لهتبقي من الأوائل ( وفرحونى وقولولي كان عندك حق ) لكل ال هيبدأ بعزيله ادعيلي وادعي لنفسك قبلي
أحبكم ف الله
smile رمز تعبيري
وفيدو زمايلكو بالكلام ده وانشروه ف كل حته تلاقي ربنا بيسهلهالكو علطول " ربنا ده حاجه كده جميله اوووووووى "
اه من الحق ( الناس ال بتفكر انها تسيب الدروس ف آخر شهرين متعدش تفكر كتير لأنك هتتخنق وتدعي ومش هتلاقي حل لأن ببساطه الحل انت عارفو )" اعد يوم من الدروس وشوف نفسك هتذاكر لوحدك طول اليوم والا هتمل مشوت كويس ممشتش يبقي ترجع تانى بسرعه دروسك " " وبردو الناس ال بتفكر تسيب دروس معينة صدقنى هتذاكر الباقي يهتسبها وهتبقي ضاعت منك بس لو واثق انك مش هتقصر ف حاجه خلاص أعد"
من الآخر كل حاجه سهله احنا ال بنعقد نفسنا ونقول مش عارفين " بنضحك علي نفسنا" إبدأ احسن ماتندم ف الآخر، بعد فوات الأوان ، وتقول معقول مكنتش عارف التفاهة دي وتعيط " فا ليه تعمل كده وانت قدامك الفرصه دا حلمك انت،وانت ال هتحققه ،محدش غيرك ‫#‏إبتدي‬
البوست ده قريته وقلت انشره في المنتدي اتمني يفيدكم

هااااام لو عايز تتفوق
موقع بوابة الثانوية العامة متخصص فى التعليم المصرى و كافة المراحل التعليمية الإبتدائية , الإعدادية و الثانوية كذلك الجامعات المصرية و نتائج الامتحانات للشهادات بمحافظات مصر

موقع وظائف جوجل وظائف جوجل,

0 التعليقات

إرسال تعليق